melekberita.com – Bejo preian nang Spanyol. Pas tour kota-kota, Bejo ndelok warung Bakso Lapose ruame banget. Bejo penisirin. Iki panganan cap opo. Kok sing tuku sampek uwel-uwelan.
“Mbak, iku warung bakso opo seh, kok ruame banget?” jare Bejo.
“Oiyo Mas, iku warung bakso paling maknyus nang Spanyol. Rasane uenak lan regone murah pol,” jare Mbak Yem, pemandu tour.
“Wah, boleh juga. Yuks, kita coba,” ajak Bejo.
“Nang kene, menu sing paling uenak Bakso Lapose,” jare Mbak Yem.
“Ok, aku manut, wis langsung pesen ae,” jare Bejo.
Limang menit kemudian, dua porsi Bakso Lapose wis terhidang nang ngarepe Bejo lan Mbak Yem. Isine: bakso loro, lontong siji, lan mie segrumbul.
Tanpa aba-aba siap grakkk, Bejo lhap lhep telap telap nyantap Bakso Lapose. Lahap.
“Pancen enak tenan iki baksone Mbak, maknyosss nyam nyam,” jare Bejo sing kewaregen.
“Jelas, nek iku pancen wis terbukti Mas,” jawab Mbak Yem.
Baca juga : Teori Nyuluh Kodok
—
Matahari pagi sudah semburat. Hari sudah berganti.
Sesuke, Bejo mampir maneh nang Warung Bakso Lapose. Bejo sek panggah penisirin. Opo resep Bakso Lapose sing nggarai laris manis tanjung kimpul. Bejo pengen nggoleki rahasiane.
Kali ini Bejo dewekan. Mbak Yem gak diajak. Misi rahasia, jare Bejo.
Rencanane, engko lek wis eruh rahasiane, Bejo arep mbukak warung bakso lapose nang Wlingi, Blitar. Amati tiru plek. Bejo eleng omongane guru bisnis.
“Bakso Lapose siji,” pesen Bejo manteb.
Limang menit, seporsi Bakso Lapose wis terhidang nang ngarepe. Isine: bakso loro, lontong siji, lan mie segrumbul.
Bejo kaget, mak jegagik. Kok sak iki baksone cilik. Gak gede koyok wingi.
Bejo penisirin. Opo maneh iki, ojo-ojo gede cilike bakso iki onok polane. Wingi gede, sak iki cilik, sesok cuilik. Ben sing tuku gak bosen, jare Bejo nang batine.
Lhap lhep telap telep, dalam sekejap Bakso Lapose ludes disantap Bejo.
Wegah muleh penasaran, Bejo takon nang pelayane.
“Mas-mas, aku wingi mangan bakso nang kene,. Wingi baksone gede-gede, kok sak iki cilik-cilik yo?” jare Bejo.
“Ooo, sampeyan pelanggan anyar yo. Ngene mas, wingi iku sing mati bantenge. Nah nek iki mau sing mati 11 matadore,” jare pelayan, santuy.
Bejo kaget plus ngilu plus kesel lan kemekel. Perasaane campur aduk gak karuan koyok rujak cingur.
Jambu, jebule sing dibakso iki mau ndog e matador, jare Bejo.
Pas perjalanan muleh, Bejo ndelok bus timnas Jerman mudik soko London. Bus e ngetem ngenteni SIKM sekaligus ngenteni bus timnas Spanyol.
Semalam, timnas Spanyol kalah adu pinalti karo timnas Italia dengan skor 2-4 di babak semifinal Euro 2020. Di waktu normal dan perpanjangan waktu, kedua tim hanya bisa bermain imbang 1-1.
Oalahhh, Lapose.
Salam Lapose.
Jakarta, 07/07/2021 14.59
#melekcerita
#melekberita
Image by DPS (screenshot google)
*cerita ini terinspirasi dari cerita di internet
